- 60 -

1295, September 30. (Münsterberg.)

Gozwin, Erbvoigt von Münsterberg, und Nicolaus sein Bruder verkaufen dem Kloster zwei Fleischbänke in genannter Stadt.

In nomine domini amen. Quoniam rerum bene gestarum memoria vigorem debitum recipit a scriptura, ego Gozwinus advocatus hereditarius de Monsterberk notum esse cupio universis tam presentibus quam futuris, ad quorum audienciam presens scriptum fuerit devolutum, quod ex certa sciencia et de pleno consensu fratris mei Nycolai religiosis viris domino Ottoni abbati et conventui fratrum monasterii de Camenz et ipsorum succesoribus duo macella carnium in civitate Monsterberk posita, et ad me ipsumque fratrem meum hereditario iure pertinencia, sponte ac pure pro sexaginta marcis usualis ponderis et monete vendidi, tradidi et in publico iudicio, quod "geheget dink" dicitur, libere resignavi cum omnibus usibus, utilitatibus, que nunc de ipsis macellis percipiuntur vel in posterum quocunque percipi poterunt modo aut eciam provenire, proutque macella eadem una cum fratre meo predicto iure veri dominii hactenus tenui et possedi, tali nichilominus interpretationis intellectu mediante specialiter in premissis, quod fratres memorati macella eadem sub libertate prorsus plena et omnimoda videlicet a serviciis omnibus necnon collectis, contributionibus aliisque exactionibus, quocunque nomine censeantur sive ducalem consuetudinem respiciant aut civilem, omnino Iibera et absoluta iure proprietatis hereditario in perpetuum possidebunt; ita plane, quod ego predictus Gozwinus advocatus omnesque mei successores domino duci de sepedictis macellis sicut de bonis nostris ceteris per obligationem ac promissionem huius privilegii tenebimur deservire supradictis fratribus ratione venditionis huiusmodi ab hac conditione penitus absolutis. Actum et datum anno domini M°.CC°. nonagesimo V°. in crastino beati Mychaelis archangeli presentibus: Henrico filio Hennyngi quondam advocato de Frankenberk, Johanne advocato patruis meis; Seydelmanno vice advocato, Wernero Wezcenrode, Ghoblone Longo, Degnardo (!) de Jawar aliisque quam pluribus fide dignis. Et in memoriam huius facti hoc predictum privilegium sigillo meo proprio necnon sigillo civium ad ydem factum plene consciencium duxi testimonialiter consignandum.

Or. Perg. Das S. des Gozwinus und das der Stadt Münsterberg an Pergamentstreifen. Pfotenhauer, Siegel S. 28 (B. III. 23) und S. 24 Münsterberg, Stadt.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.